Psa 133 | MNA | STEP | Mboe kizin wal ta tizalla pa Yerusalem Mboe ki Dabit Sombe zin toŋmatiziŋ timbot la mbata, mi tiparlup lelen ma iwe tamen, ina ambai kat. Tere na, ikam ti ma lelende ambai.

aYo 17:23; Ro 12:10

Psalms 133

Mboe 133

Taparlup lelende. Naso kampeŋana ki Anutu imbotmbot se kiti

Mboe kizin wal ta tizalla pa Yerusalem Mboe ki Dabit

1 Sombe zin toŋmatiziŋ timbot la mbata, mi tiparlup lelen ma iwe tamen, ina ambai kat.
Tere na, ikam ti ma lelende ambai. ^a
2 Pa ina kembei ŋgere kuziiniŋana ta tiliŋ sala Aron uteene
mi ireere ma isula pa kezeene ruunu
ma tuŋ sula kawaala kini molo kwopiriini na.
3 Mi ina kembei ta tolou biibi ki abal Hermon isu pa zin abal ta tigarau kar Sion na.
Pa sombe taparlup ti ma tewe tamen su kar Sion, na Yooba ko iur kampeŋana kini ma isalakaala iti.
Kampeŋana tana na, mbotŋana ambaiŋana ta iseeŋge iseeŋge ma ila.